திட்டமிட்ட படி ரிலீஸாகுமா விக்ரம்மின் ‘வீர தீர சூரன்’?

விக்ரம் நடிப்பில் கடந்த ஆண்டு தங்கலான் திரைப்படம் நல்ல கவனத்தைப் பெற்றது. அதையடுத்து இப்போது சித்தா படத்தின் இயக்குனர் அருண் குமார் இயக்கத்தில் உருவாகும் ‘வீர தீர சூரன்’ படத்தில் நடித்துள்ளார். இந்த படத்தில் மற்ற முக்கிய வேடங்களில் எஸ் ஜே சூர்யா, சுராஜ் வெஞ்சரமூடு மற்றும் துஷாரா ஆகியோர் நடித்துள்ளனர்.

இந்த படத்தின் ஷூட்டிங் விறுவிறுப்பாக நடந்து முடிந்ததை அடுத்து தற்போது பின் தயாரிப்புப் பணிகள் நடந்து வருகின்றன. வீர தீர சூரன் படத்தின் இரண்டாம் பாகம் முதலில் வெளியாகும் எனவும் பின்னர் முதல் பாகம் வெளியாகும் எனவும் அறிவிக்கப்பட்டுள்ளது. ஏற்கனவே படத்தின் ஷூட்டிங் முடிந்து போஸ்ட் புரொடக்‌ஷன் பணிகள் நடந்து  வருகின்றன. படம் மார்ச் 27 ஆம் தேதி ரிலீஸாகும் என அறிவிக்கப்பட்டுள்ளது.

ஆனால் இந்த படத்தின் ரிலீஸ் திட்டமிட்டபடி அந்த தேதியில் நடக்குமா என்ற கேள்வி எழுந்தது. ஏனென்றால் படத்தின் டிஜிட்டல் மற்றும் ஓடிடி வியாபாரம் இன்னும் முடியவில்லை என சொல்லப்பட்டது. ஆனால் தற்போது அதற்கான வேலைகள் நடந்து வருவதாகவும் அறிவிக்கப்பட்ட தேதியில் படம் வெளியாகும் என்றும் தகவல்கள் வெளியாகியுள்ளன.