மருத்துவமனையில் சிகிச்சை பெற்று வந்த நடிகரும் தேமுதிகவின் தலைவருமான விஜயகாந்த் சிகிச்சை பலனின்றி அவர் நேற்று காலை இயற்கை எய்தினார். அவருக்கு வயது 71. அவரது உடல் பொதுமக்கள் அஞ்சலிக்காக கோயம்பேட்டில் உள்ள தேமுதிக தலைமை அலுவலகத்தில் வைக்கப்பட்டது. அவரது உடல் இன்று மாலை நல்லடக்கம் செயய்ப்படவுள்ளது.
தற்போது அவரடு உடல் சென்னை தீவுத்திடலில் பொதுமக்கள் பார்வைக்காக வைக்கப்பட்டுள்ளது. அங்கு திரையுலக கலைஞர்கள் மற்றும் அரசியல் வாதிகள் அவரது உடலுக்கு இறுதி அஞ்சலி செலுத்தி வருகின்றனர். இன்று மாலை 5 மணிக்கு கோயம்பேடு அவர்கள் கட்சி அலுவலகத்தில் அவரது உடல் நல்லடக்கம் செய்யப்பட உள்ளது.
இந்நிலையில் அவரது உடல் எடுத்து செல்லப்படும் இறுதி ஊர்வலத்தின் பாதை பற்றிய தகவல் வெளியாகியுள்ளது. தீவுத்திடலில் தொடங்கி, பல்லவன் சாலை வழியாக, சென்னை செண்ட்ரல், தினத்தந்தி சிக்னல், கீழ்ப்பாக்கம், பச்சையப்பன் கல்லூரி, அமைந்தகரை, அரும்பாக்கம் வழியாக கோயம்பேட்டில் உள்ள தேமுதிக அலுவலகத்தில் அவரது உடல் எடுத்துவரப்பட உள்ளது.
