தமிழ் உள்ளிட்ட தென்னிந்திய மொழிகளில் எல்லாம் சூப்பர்ஸ்டார் தயாரிப்பாளராக விளங்கியவர் சூப்பர் குட் பிலிம்ஸ் ஆர் பி சௌத்ரி. ஆனால் கடந்த சில ஆண்டுகளாக சினிமா தயாரிப்பதை விடுத்து சினிமாக்களுக்கு பைனான்ஸ் மட்டுமே செய்துவந்தார்.
இந்நிலையில் சமீபத்தில் அவரது மகன் ஜீவா நடிப்பில் களத்தில் சந்திப்போம் என்ற திரைப்படத்தை தயாரித்திருந்தா. இந்த படம் அந்த நிறுவனத்தின் 90 ஆவது படமாகும். இதையடுத்து வரிசையாக படங்களை தயாரிக்க அந்த நிறுவனம் முடிவு செய்துள்ளது. அந்த வகையில் சிரஞ்சீவி நடிக்கும் காட்பாதர் திரைப்படத்தையும் தயாரித்து வருகிறது.
அந்த நிறுவனம் தயாரிக்கும் 100 ஆவது படத்தில் விஜய் கதாநாயகனாக நடிப்பார் என தகவல்கள் வெளியாகி வந்தன. அதை இப்போது தயாரிப்பாளர் சௌத்ரியின் மகனும், நடிகருமான ஜீவா உறுதிப்படுத்தியுள்ளார். ஒரு நிகழ்ச்சியில் கலந்துகொண்டு பேசிய அவர் இந்த தகவலைப் பதிவு செய்துள்ளார். கடைசியாக சூப்பர் குட் பிலிம்ஸ் தயாரிப்பில் ஜில்லா படத்தில் விஜய் நடித்திருந்தார் என்பது குறிப்பிடத்தக்கது.
