விஜய் டிவியில் ஒளிப்பரப்பாகும் காமெடி நிகழ்ச்சிகளின் மூலம் கவனம் ஈர்த்துள்ள ராமர் இப்போது கதாநாயகனாக ஒரு படத்தில் நடிக்க இருக்கிறார்.
விஜய் டிவியில் ஒளிப்பரப்பான அது இது எது போன்ற நிகழ்ச்சிகளில் தோன்றி பிரபலமானவர் ராமர். இவர் சொல்வதெல்லாம் உண்மை நிகழ்ச்சியைக் கலாய்த்து வழங்கிய எபிசோட் மற்றும் ஆத்தாடி என்ன உடம்பீ போன்ற பாடல்களைப் பாடிய விதம் ஆகியவை இணையதளங்களில் வைரல் ஆகின.
இதையடுத்து அவருக்கு சினிமா வாய்ப்புகள் வர தொடங்க சில படங்களில் காமெடியனாக தோன்றினார். இதையடுத்து அவர் இப்போது ஒரு படத்தில் ஹீரோவாக நடிக்க ஒப்பந்தமாகியுள்ளார். நாளைய இயக்குனரில் கலந்துகொண்ட மணிராம் என்பவர் இந்தப் படத்தை இயக்க, சூப்பர் டாக்கீஸ் மற்றும் அவதார் புரொடக்ஷன்ஸ் ஆகிய நிறுவனங்கள் இணைந்து தயாரிக்கின்றன. இந்த படத்தில் ராமருக்கு ஜோடியாக நிக்கி கல்ராணியின் சகோதரி சஞ்சனா கல்ராணி நடிக்க இருக்கிறார்.