GOAT படத்துக்குப் பிறகு விஜய், ஹெச் வினோத் இயக்கும் ‘ஜனநாயகன்’ படத்தில் நடித்து வருகிறார். அந்த படம் முடிந்ததும் அவர் சினிமாவை விட்டு முழு நேர அரசியலுக்கு செல்லவுள்ளார். அதனால் படத்தின் மீது மிகப்பெரிய அளவில் எதிர்பார்ப்பு நிலவுகிறது. இந்த படத்துக்கு அனிருத் இசையமைக்க, சத்யன் சூர்யன் ஒளிப்பதிவு செய்கிறார். KVN புரொடக்ஷன்ஸ் என்ற நிறுவனம் தயாரிக்கிறது.
இந்த படத்தில் கதாநாயகியாக பூஜா ஹெக்டே, மமிதா பைஜு, பிரகாஷ் ராஜ், பாபி தியோல் உள்ளிட்ட பலர் நடிக்கின்றனர். கடந்த ஆண்டு இறுதியில் இந்த படத்தின் ஷூட்டிங் தொடங்கியது. முதலில் ஒரு பிரம்மாண்டமானப் பாடல் காட்சியை படமாக்கினார் இயக்குனர் வினோத். இப்போது சென்னையில் முக்கியமானக் காட்சிகள் படமாக்கப்பட்டு வந்தன.
இந்நிலையில் தற்போது ஜனநாயகன் படத்தின் ஷூட்டிங் நிறுத்தப்பட்டுள்ளதாம். அதற்குக் காரணம் படத்தைத் தயாரித்து வரும் கே வி என் புரொடக்ஷன்ஸ் நிறுவனத்தில் அண்மையில் நடந்த வருமான வரித்துறையின் சோதனைதான் காரணமாம். அதன் காரணமாக அந்நிறுவனத்தின் வங்கிக் கணக்குகள் முடக்கப்பட்டுள்ளதால் தொழிலாளர்களுக்கு சம்பளம் கொடுக்க முடியாத சூழல் உருவாகியுள்ளதாகவும், அதனால் ஷூட்டிங் நிறுத்தப்பட்டுள்ளதாகவும் சொல்லப்படுகிறது.
