விஜய் ஆண்டனி நடித்துள்ள பிச்சைக்காரன் என்ற திரைப்படம் மிகப்பெரிய வெற்றி பெற்ற நிலையில் இந்த படத்தின் இரண்டாம் பாகம் கடந்த சில மாதங்களுக்கு முன்பே முழுமை பெற்றது. இதையடுத்து படத்தின் அதிகாரபூர்வ ரிலீஸ் செய்தியை விஜய் ஆண்டனி தனது டுவிட்டர் பக்கத்தில் அறிவித்துள்ளார். பிச்சைக்காரன் 2 திரைப்படம் வரும் ஏப்ரல் 14ஆம் தேதி தமிழ் புத்தாண்டு விருந்தாக வெளியாகும் என்று அறிவிக்கப்பட்டு இருந்தது. ஆனால் இப்போது அடுத்த மாதத்துக்கு தள்ளிவைக்கப்பட்டுள்ளதாக அறிவிக்கப்பட்டுள்ளது.
இந்நிலையில் இப்போது இந்த படத்தில் இருந்து கோயில் சிலையே என்ற பாடல் லிரிக்ஸ் வீடியோ வெளியாகியுள்ளது. இது சம்மந்தமாக படக்குழு ஒரு போஸ்டரையும் வெளியிட்டு இருந்தனர். ஆனால் அந்த போஸ்டர் ஹாலிவுட் படமான தி லாப்ஸ்டர் பட போஸ்டரின் காப்பி என கண்டுபிடித்து ரசிகர்கள் ட்ரோல் செய்ய ஆரம்பித்துள்ளனர்.
