விஜய் ஆண்டனி நடிப்பில் விஜய் மில்டன் இயக்கத்தில் உருவாகி வரும் திரைப்படம் மழை பிடிக்காத மனிதன். இந்த படத்தின் படப்பிடிப்பு முடிந்துவிட்ட நிலையில் போஸ்ட் புரொடக்ஷன் பணிகள் சில மாதங்களுக்கு முன்னர் தொடங்கியது.
இந்த படத்தில் சரத்குமார் மற்றும் மேகா ஆகாஷ் ஆகியோர் முக்கிய வேடத்தில் நடிக்கின்றனர். மேலும் மூத்த நடிகர் விஜயகாந்த் ஒரு சிறப்பு வேடத்தில் நடிப்பதாகவும் சொல்லப்படுகிறது. ஆனால் இதுகுறித்த அதிகாரப்பூர்வ தகவல் எதுவும் வெளியாகவில்லை.
இந்தியாவில் இதுவரை யாரும் செல்லாத இடங்களான வட இந்தியாவின் டையு டாமன் ஆகிய பகுதிகளில் சென்று படப்பிடிப்பை நடத்தி வந்த நிலையில் இப்போது முழுவதுமாக படப்பிடிப்பை முடித்துள்ளனர். படம் முடிந்து சில மாதங்கள் ஆனாலும் இன்னும் படத்தின் வியாபாரம் தொடங்கவில்லை என சொல்லப்படுகிறது. இந்நிலையில் இந்த படத்தின் பெயரை இப்போது மாற்றும் முடிவில் படக்குழு ஈடுபட்டுள்ளதாக சொல்லப்படுகிறது. இந்த படத்துக்கு சலீம் 2 என பெயர் வைக்க முடிவு செய்துள்ளதாக சொல்லப்படுகிறது.
