நயன்தாரா விக்னேஷ் சிவன் ஆகியோரின் திருமணம் இன்னும் சில நாட்களில் நடக்க உள்ளது.
நயன்தாரா மற்றும் விக்னேஷ் சிவன் திருமணம் திருப்பதியில் நடைபெற இருப்பதாகவும் அங்கு திருமண ஏற்பாடுகள் நடைபெற்று வருவதாகவும் தகவல் வெளியானது. ஆனால் சமீபத்தில் பிரபல இணையதளம் ஒன்று நயன்தாரா திருமணம் குறித்த அழைப்பிதழ் வீடியோ ஒன்றை வெளியிட்டுள்ளது. அந்த வீடியோவில் நயன்தாரா விக்னேஷ் சிவன் திருமணம் மகாபலிபுரத்தில் நடக்க உள்ளதாக அறிவுக்கப்பட்டு இருந்தது. மேலும் இந்த திருமணத்திற்கு நயன்தாரா மற்றும் நெருங்கிய உறவினர்கள் மட்டும் கலந்து கொள்வார்கள் என்று அறிவிக்கப்பட்டுள்ளது.
இந்நிலையில் இந்த திருமணத்தின் வீடியோ ஒளிபரப்பு உரிமையை முன்னணி ஓடிடி நிறுவனமான நெட்பிளிக்ஸ் பெற்றுள்ளதாக சொல்லப்படுகிறது. மேலும் இந்த வீடியோவை ஒரு திரைப்பட பாணியில் அழகாக உருவாக்கி தரும் பொறுப்பை இயக்குனர் கௌதம் மேனனிடம் ஒப்படைத்துள்ளதாகவும் சொல்லப்படுகிறது.
