ராகவா லாரன்ஸ் நடிப்பில் துரை செந்தில்குமார் இயக்கத்தில் உருவாகும் திரைப்படத்தின் டைட்டில் ‘அதிகாரம்’ என சில மாதங்களுக்கு முன்னர் அறிவிக்கப்பட்டது. இந்த படத்தின் கதை வசனத்தை பிரபல இயக்குனர் வெற்றிமாறன் எழுதுகிறார் என்பது குறிப்பிடத்தக்கது. இந்த நிலையில் அதிகாரம் படத்தின் டைட்டில் உடன் கூடிய பஸ்ட் லூக் மோஷன் போஸ்டர் இன்று வெளியாகியுள்ள பெரிய அளவில் வைரல் ஆனது என்பது குறிப்பிடத்தக்கது.
ஆனால் அறிவிக்கப்பட்டதற்குப் பின்னர் இந்த படம் அடுத்த கட்டத்தை நோக்கி நகரவில்லை. இந்நிலையில் இப்போது இயக்குனர் துரை செந்தில்குமார், நயன்தாரா நடிக்கும் புதிய படத்தை இயக்க சென்றுவிட்டார்.
இதனால் அதிகாரம் திரைப்படம் கைவிடப்பட்டதாக தகவல்கள் வெளியாகியுள்ளன. கதையில் லாரன்ஸுக்கு உடன்பாடு இல்லாததால், அந்த படத்தை அவர் நிராகரித்துவிட்டதாக தகவல்கள் வெளியாகின. ஆனால் இதுகுறித்து தயாரிப்பு தரப்பு அளித்துள்ள விளக்கத்தில் “திரைக்கதை அமைக்கும் பணிகள் நடந்துவருகின்றன. படம் கைவிடப்படவில்லை. அது சம்மந்தமான பொய்த் தகவல்கள் பரவி வருகின்றன” எனக் கூறியுள்ளார்.
