மீண்டும் அப்டேட்டுக்கு முட்டுக்கட்டை போட்ட அஜித்! வலிமை படக்குழுவுக்கு கட்டளை!

வலிமை படத்தின் அப்டேட்டுக்காக அஜித் ரசிகர்க தவம் இருக்காத குறையாகக் காத்து கிடக்கின்றனர்.

நேர்கொண்ட பார்வை வெற்றிக்குப் பின்னர் அஜித் இப்போது வலிமை படத்தில் போலிஸ் அதிகாரியாக நடித்து வருகிறார். இந்த படத்துக்கு அஜித்தின் ஆஸ்தான இசையமைப்பாளரான யுவன் ஷங்கர் ராஜா இசையமைத்து வருகிறார். இந்த படத்தின் படப்பிடிப்பு கோரோனா லாக்டவுனால் தடைபட்டு மீண்டும் தொடங்கி 90 சதவீதம் வரை முடிந்துள்ளது. கொரோனா பரவல் காரணமாக மீதமுள்ள படப்பிடிப்பை நடத்துவதில் தாமதம் ஏற்பட்டுள்ளது.

ஆனாலும் ரசிகர்களுக்காக இதுவரை ஒரு போஸ்டர் கூட வெளியிடாமல் இழுத்தடித்து வருகிறது படக்குழு. இது சம்மந்தமாக முன்னதாக போனி கபூரை கேலி செய்யும் விதமாக சில இடங்களில் போஸ்டர்கள் ஒட்டுவதும், அரசியல் மேடைகள் மற்றும் கிரிக்கெட் மைதானங்களில் வலிமை அப்டேட் கேட்பது என அஜித் ரசிகர்கள் ஆர்வக்கோளாறில் சுற்றி வந்தனர். இதையடுத்து மே 1 அன்று அஜித் பிறந்தநாளில் போஸ்டர் வெளியாகும் என அறிவிக்கப்பட்டு கொரோனா காரணமாக தள்ளி வைக்கப்பட்டது.

இந்நிலையில் வலிமைக்குப் பின்னர் ஆரம்பிக்கப்பட்ட விஜய்யின் பீஸ்ட் படத்தின் போஸ்டர் வெளியானதால் அஜித் ரசிகர்கள் மீண்டும் கடுப்பாகி வெறித்தனமாக வலிமை அப்டேட் கேட்டு வருகின்றனர். இந்நிலையில் கொரோனா பாதிப்பும் குறைந்துள்ளதால் போஸ்டர் வெளியாகும் என நினைத்த நிலையில் அஜித் படப்பிடிப்பை முடிப்பதில் கவனம் செலுத்த சொல்லி படக்குழுவினரை திசை திருப்பியுள்ளாராம். அதனால் படப்பிடிப்பு முடிந்த பின்னரே ப்ரமோஷன் பணிகள் மேற்கொள்ளப்படும் என சொல்லப்படுகிறது.