பொங்கலுக்கு வெளியாக இருந்த வலிமை திரைப்படம் கொரோனா மூன்றாம் அலை காரணமாக தள்ளி வைக்கப்பட்டுள்ளது.
இந்த ஆண்டு தொடக்கத்தில் தமிழ் சினிமாவில் வெளியாக இருந்த மிகப்பெரிய படமாக வலிமை இருந்தது. இந்த படத்தை பெரும் விலை கொடுத்து விநியோகஸ்தர்கள் வாங்கி இருந்தனர். இந்நிலையில் ஒமிக்ரான் வைரஸ் பரவலால் தமிழக அரசு ஜனவரி 10 வரை திரையரங்குகளில் 50 சதவீத இருக்கைகள் மட்டுமே அனுமதி என அறிவித்ததை கடைசி நேரத்தில் ரிலீஸ் தள்ளிவைக்கப்பட்டுள்ளது.
இந்நிலையில் தள்ளிவைக்கப்பட்ட வலிமை திரைப்படம் எப்போது ரிலீஸ் ஆகும் என ரசிகர்கள் ஆர்வமாக காத்திருக்கின்றனர். இந்நிலையில் மார்ச் மாதத்தில் ரிலீஸ் ஆக வாய்ப்புகள் இருப்பதாக சொல்லப்படுகிறது. ஏனென்றால் ஏப்ரல் மாதத்தில் கேஜிஎப் மற்றும் பீஸ்ட் உள்ளிட்ட பல படங்கள் ஏற்கனவே ரிலிஸ் தேதியை அறிவித்திருக்கின்றன. கொரோனா கட்டுபாடுகள் தளரும் பட்சத்தில் மார்ச் மாதத்திலேயே வலிமை ரிலீஸ் ஆகும் என சொல்லப்படுகிறது.
