பிக்பாஸ் நிகழ்ச்சியில் கலந்து கொண்ட அனைவரும் நல்ல பிரபலமாகி சினிமாத்துறையில் வாய்ப்புகளை பெற்று வருகின்றனர். மிக விரைவில் பிக்பாஸ் சாம்பியன் முன்னணி நடிகர்கள் பட்டியலில் இணைந்துவிடுவார் என்று தெரிகிறது
இந்த நிலையில் பிக்பாஸ் நிகழ்ச்சியில் கிட்டத்தட்ட இறுதிவரை தாக்குப்பிடித்த வையாபுரி தற்போது சுந்தர் சி இயக்கவுள்ள 'கலகலப்பு 2' படத்தில் நடிக்க ஒப்பந்தமாகியுள்ளார். 19ஆண்டுகளுக்கு முன் சுந்தர் சி இயக்கத்தில் அஜித் நடித்த 'உன்னைத்தேடி' படத்தில் நடித்த வையாபுரி மீண்டும் சுந்தர் சி இயக்கத்தில் நடிக்கவுள்ளார்.
அதுமட்டுமின்றி மிஷ்கின் இயக்கும் அடுத்தபடம் உள்பட பல படங்களில் நடிக்க வையாபுரிக்கு வாய்ப்புகள் வந்துள்ளதாகவும் மிக விரைவில் பல திரைப்படங்களில் அவரை பார்க்கலாம் என்றும் கோலிவுட் வட்டாரம் கூறுகின்றது.
