நடிகர் மயில்சாமி இப்போது உதயநிதி ஸ்டாலின் நடிக்கும் ஆர்ட்டிக்கிள் 15 படத்தின் ரீமேக்கில் நடித்து வருகிறார்.
இந்தியில் வெளியாகி ஹிட் அடித்த் ஆர்ட்டிகிள் 15 படத்தின் தமிழ் ரீமேக்கில் உதயநிதி ஸ்டாலின் நடிக்க கனா இயக்குனர் அருண்ராஜா காமராஜா இயக்க இருந்தார். அந்த படம் தேர்தல் காரணமாக தொடங்கப்படாமல் இருந்த நிலையில் படப்பிடிப்பு சில மாதங்களுக்கு முன்னர் தொடங்கியது. இந்த படத்தை போனி கபூர் தயாரிக்க, கனா இயக்குனர் அருண் ராஜா காமராஜ் இயக்கி வருகிறார்.
முதல் கட்ட படப்பிடிப்பு பொள்ளாச்சியில் நடந்த நிலையில் கொரோனா பாதிப்பால் இயக்குனர் பாதிக்கப்பட்டதால் படப்பிடிப்பு நிறுத்தப்பட்டது. அதன் பின்னர் தற்போது தொடங்கி நடந்து வருகிறது. இந்நிலையில் படத்தில் முக்கியக் கதாபாத்திரத்தில் நடிக்கும் மயில்சாமியின் பிறந்தநாளை முன்னிட்டு கேக் வெட்டி படக்குழுவினர் கொண்டாடினர். மேலும் படத்தின் நாயகனான உதயநிதி ஸ்டாலின் படக்குழுவினர் அனைவருக்கும் அன்று பிரியாணி வழங்கியுள்ளார்.
