நடிகர் விஜய் சேதுபதியின் மகன் சூர்யா விஜய் சேதுபதி சிந்துபாத் திரைப்படத்தில் நடித்திருந்தார். ஆனால் அந்த படம் பெரியளவில் ஓடாததால் அதன் பிறகு நடிப்புக்கு ஒரு இடைவெளி விட்டார். இப்போது விடுதலை 2 படத்தில் அவர் ஒரு முக்கியக் கதாபாத்திரத்தில் நடிக்க உள்ளதாக சொல்லப்படுகிறது.
இதற்கிடையில் சூர்யா, ஸ்டண்ட் மாஸ்டர் அனல் அரசு இயக்கத்தில் ஃபீனிக்ஸ் என்ற படத்தில் கதாநாயகனாக நடித்துள்ளார். இந்த படம் நவம்பர் 14 ஆம் தேதி ரிலீஸாகவுள்ளது. இந்த படம் சமீபத்தில் சென்சாருக்கு அனுப்பப்பட்ட நிலையில் அங்கு ஒரு பிரச்சனை எழுந்துள்ளது.
படத்தில் ஒரு இடத்தில் ஒரு அரசியல் கட்சியின் கொடி இடம்பெறுவது போன்ற காட்சியில் அவர்கள் பயன்படுத்திய கொடியின் வண்ணம் விஜய்யின் த வெ க கட்சியின் கொடி போலவே இருப்பதாக சொல்லி, சென்சார் அதை மாற்ற சொல்லியுள்ளார்களாம். அதனால் இப்போது கொடியின் வண்ணத்தை மாற்றும் பணிகள் நடந்து வருகிறதாம்.
