எஸ்ஆர் பிரபு தயாரிப்பில் கார்த்தி மற்றும் ராஷ்மிகா மந்தனா நடிப்பில் உருவாகியுள்ள சுல்தான் படத்தை இயக்குநர் பாக்யராஜ் கண்ணன் இயக்கியுள்ளார். இவர் சிவகார்த்திகேயன் நடித்த ரெமோ படத்தை இயக்கியவர். முதல் படத்தைப் போல இல்லாமல் ஆக்ஷன் மற்றும் ரொமான்ஸ் கலந்த படமாக உருவாகியுள்ள சுல்தான் படம் ஏப்ரல் 2 ஆம் தேதி ரிலிஸானது.
கார்த்தி மற்றும் ராஷ்மிகாவுக்காக மிக நல்ல ஓபனிங் இருந்தாலும், படத்தின் கதை மற்றும் திரைக்கதையால் கடுப்பான ரசிகர்கள் நெகட்டிவ் விமர்சனங்களை தெரிவித்து வருகின்றனர். அதேபோல இணைய விமர்சகர்களும் இந்த படத்தைக் கழுவி ஊற்ற ஆரம்பித்துவிட்டனர். ஆனாலும் மாஸ்டர் படத்துக்கு பின்னர் திரையரங்கில் வசூல் செய்யும் தமிழ்ப்படமாக சுல்தான் அமைந்துள்ளது.
இந்நிலையில் சுல்தான் படத்தின் தயாரிப்பாளர் எஸ் ஆர் பிரபுவின் சமூகவலைதளப் பதிவு ஒன்றில் அந்த படத்தின் திருட்டுத்தனமான இணைய டவுன்லோட் லிங்கை ஒருவர் பகிர அதைப் பார்த்து கடுப்பான பிரபு ‘அடேய் என் கமெண்ட்ல வந்தே என் படத்தோட லிங்க போட்றியா?... இதோ வரேண்டா ‘ என பதிலளித்துள்ளார்.
