“கலகலப்பு” புகழ் நடிகர் கோதண்டராமன் காலமானார்!

ஸ்டண்ட் கலைஞராக நூறுக்கும் மேற்பட்ட படங்களில் பணியாற்றியவர் கோதண்டராமன். பல படங்களில் இவர் கதாநாயகர்களோடு சண்டை போடும் காட்சிகளில் நடித்துள்ளார். முதல் முதலாக தமிழ்ப்படம் பாகம் ஒன்றில் ஒரு நகைச்சுவை வேடத்தில் தோன்றினார்.

அதன் பின்னர் சந்தானத்தோடு இணைந்து கலகலப்பு படத்தில் பேய் என்ற கதாபாத்திரத்தில் நடிக்க, அவரின் நகைச்சுவைக் காட்சிகள் பெரிய அளவில் பிரபலம் ஆகின. அதனால் தொடர்ந்து நகைச்சுவைப் படங்களாக நடித்து வந்தார் .

இந்நிலையில் அவர் சென்னை பெரம்பூரில் உள்ள அவரது இல்லத்தில் உடல்நலக் குறைவு காரணமாக காலமாகியுள்ளார். அவருக்கு ஸ்டண்ட் கலைஞர்கள் யூனியன் இரங்கல் தெரிவித்துள்ளார். அவரது இறதி மரியாதை நிகழ்வுகள் இன்று மாலை பெரம்பூரில் நடக்க உள்ளது.