தான் நடித்துள்ள ‘மாம்’ படத்தை, தமிழ் உள்ளிட்ட தென்னிந்திய மொழிகளில் ரிலீஸ் செய்ய முடிவெடுத்துள்ளார் ஸ்ரீதேவி.
குழந்தை நட்சத்திரமாக சினிமாவில் அறிமுகமாகிய ஸ்ரீதேவி, தன்னுடைய 50வது வருடத்தை சினிமாவில் நிறைவு செய்யப் போகிறார். தமிழ், தெலுங்கு, மலையாளம், கன்னடம் மற்றும் ஹிந்திப் படங்களில் நடித்திருக்கும் ஸ்ரீதேவியின் 300வது படம் ‘மாம்’.
இந்தப் படத்தை, ஹிந்தியில் மட்டுமே ரிலீஸ் செய்வதென ஆரம்பத்தில் முடிவெடுத்தனர். ஆனால், தென்னிந்தியாவிலும் ஸ்ரீதேவிக்கு ஏகப்பட்ட ரசிகர்கள் இருப்பதால், தமிழ், மலையாளம் மற்றும் தெலுங்கிலும் படத்தை டப் செய்து வெளியிட உள்ளனர். ஜூலை 7ஆம் தேதி ரிலீஸாக இருக்கும் இந்தப் படத்துக்கு, ஏ.ஆர்.ரஹ்மான் இசையமைத்துள்ளார்.
