சிபி சக்ரவர்த்தி இயக்கத்தில் சிவகார்த்திகேயன் நடிக்கும் படம் தள்ளிவைப்பா?

டான் திரைப்படத்தின் வெற்றியை அடுத்து கவனிக்கப்படும் இயக்குனரானார் சிபி சக்ரவர்த்தி. சிவகார்த்திகேயனின் எஸ்கே ப்ரொடக்‌ஷன்ஸும் லைகா நிறுவனமும் இணைந்து ஒரு தயாரித்த டான் திரைப்படம் மிகப்பெரிய வெற்றி படமாக அமைந்தது.

இதையடுத்து அவர் ரஜினிகாந்த் மற்றும் நானி ஆகியோருக்கு கதை சொன்னார். ஆனால் இரண்டு பேருக்குமே அந்த கதை பிடிக்காத சூழலால் அந்த படங்கள் அடுத்த கட்டத்துக்கு நகரவில்லை. இந்நிலையில் இப்போது அவர் தன்னுடைய முதல் பட ஹீரோவான சிவகார்த்திகேயனுடனே மீண்டும் இணைகிறார். இந்த படத்தை பேஷன் ஸ்டுடியோஸ் சுதன் மற்றும் ஜெகதீஷ் ஆகியோர் இணைந்து தயாரிக்கின்றனர்.

இந்த படம் சிவகார்த்திகேயன் முருகதாஸ் படத்தின் ஷூட்டிங்கை முடித்தவுடன் தொடங்கப்படும் என சொல்லப்பட்டது. ஆனால் இப்போது சிவகார்த்திகேயன் இப்போது சுதா கொங்கரா இயக்கும் புறநானூறு படத்தில் முதலில் நடிக்க ஆசைப்படுவதாக சொல்லப்படுகிறது. அதனால் சிபி சக்ரவர்த்தி படம் இன்னும் சில மாதங்கள் தாமதம் ஆகும் என சொல்லப்படுகிறது.