சிவகார்த்திகேயன், பிரேம்ஜி அமரன், சத்யராஜ் உள்ளிட்டோர் நடிப்பில் தமிழ் – தெலுங்கில் பிரின்ஸ் திரைப்படத்தை தெலுங்கு இயக்குனர் அனுதீப் இயக்கி வருகிறார். தமன் இசையமைக்கும் இந்த படத்தின் படப்பிடிப்பு, காரைக்குடி, பாண்டிசேரி மற்றும் லண்டன் ஆகிய இடங்களில் நடந்தது.
தீபாவளிப் பண்டிகையை முன்னிட்டு அக்டோபர் 21 ஆம் தேதி ரிலீஸ் ஆகும் என்று அறிவிக்கப்பட்டுள்ளது. ஏற்கனவே டாக்டர் மற்றும் டான் படங்களின் மூலம் வெற்றியைக் கொடுத்துள்ள நிலையில் இந்த படத்துக்கு நல்ல எதிர்பார்ப்பு நிலவுகிறது.
இந்நிலையில் சமீபத்தில் பிரின்ஸ் படத்தின் ப்ரமோஷனுக்காக டிவிட்டரில் ரசிகர்களின் கேள்விகளுக்கு பதிலளித்தார். அப்போது சிவகார்த்திகேயனிடம் ரசிகர்கள் பலரும் கேள்விகளை கேட்டனர். ஒரு ரசிகர் “உங்களிடம் இருந்து எப்போது ஒரு முழு ஆக்ஷன் டபுள் ரோல் வேடத்தை எதிர்பார்க்கலாம்” எனக் கேட்டிருந்தார்.
”இரட்டை வேடத்தில் நடிக்கும் ஆசை உள்ளது. அதற்கு தகுந்த கதை அமையும் போது நான் நடிப்பேன்” எனக் கூறியுள்ளார். ஏற்கனவே சிவகார்த்திகேயன் ரஜினி முருகன் படத்தில் இரட்டை வேடத்தில் நடித்துள்ளார்.