சிம்புவின் ‘பத்து தல’ படத்தின் சூப்பர் அப்டேட்.. படக்குழுவினர் அறிவிப்பு!
சிம்பு நடிப்பில் உருவாகியுள்ள ‘பத்து தல படத்தின் படப்பிடிப்பு முடிவடைந்து வரும் மார்ச் மாதம் இந்த படம் வெளியாக இருப்பதாக அறிவிக்கப்பட்டுள்ளது என்பதை ஏற்கனவே பார்த்தோம்.
மேலும் இன்று மாலை இந்த படத்தின் முக்கிய அறிவிப்பு வெளியாகும் என அறிவிக்கப்பட்டிருந்த நிலையில் சற்றுமுன் அந்த அறிவிப்பு வெளியாகி உள்ளது.
‘பத்து தல படத்தில் இடம்பெறும் நம்ம சத்தம் என்ற பாடல் பிப்ரவரி 3ஆம் தேதி சிம்புவின் பிறந்தநாள் விருந்தாக வெளியாகும் என சற்றுமுன் அறிவிக்கப்பட்டுள்ளது.
பாடல் ஆசிரியர் விவேக் பாடல் வரிகளில் சாண்டி மாஸ்டர் நடன இயக்கத்தில் உருவாகிய இந்த பாடலை ஏஆர் ரகுமான் கம்போஸ் செய்துள்ளார் என்பது குறிப்பிடத்தக்கது.
கிருஷ்ணா இயக்கத்தில் உருவாகிய இந்த படம் உலகம் முழுவதும் பிரம்மாண்டமாக வெளியாக உள்ளதை அடுத்து இந்த படமும் சிம்புவுக்கு வெற்றிப்படமாக அமையும் என்று எதிர்பார்க்கப்படுகிறது.
