ஷிகார் தவான் பாலிவுட்டில் நடிகராக டபுள் எக்ஸ் எல் மூலமாக அறிமுகம் ஆகிறார்.
இந்திய கிரிக்கெட் அணியின் மூத்த வீரர்களில் ஒருவரான ஷிகார் தவான் இந்திய அணியில் இப்போது ஒருநாள் போட்டிகளுக்காக மட்டுமே தேர்வு செய்யப்படுகிறார். இத்தனைக்கும் அவர் மோசமான பார்மில் இல்லை.ஆனால் அவரை விட பல இளைஞர்கள் சிறப்பாக விளையாடி அந்த இடத்துக்காக காத்திருக்கின்றனர். அதில் முக்கியமாக ருத்துராஜ் கெய்க்வாட் மற்றும் வெங்கடேஷ் ஆகிய இருவரும். தற்போது நடந்துவரும் ஐபிஎல் தொடரில் கூட கணிசமாக ரன்களை சேர்த்து வருகிறார் தவான்.
இந்நிலையில் தவான் பாலிவுட் படமொன்றில் ஒரு முக்கியமான வேடத்தில் நடித்துள்ளதாக தகவல்கள் வெளியாகியுள்ளன. காலா படத்தில் ரஜினியோடு நடித்த ஹூமா குரேஷியுடன் பலர் நடிக்கும் டபுள் எக்ஸ் எல் என்ற படத்தில் ஷிகார் தவான் ஹூமாவுக்கு ஜோடியாக நடிக்கிறார். இது சம்மந்தமான போஸ்டர் தற்போது வெளியாகி வைரல் ஆகி வருகிறது.
