முதல் முதலாக அந்த ஜானரில் படம் பண்ணியுள்ளேன்… இடிமுழக்கம் குறித்து சீனு ராமசாமி பகிர்ந்த தகவல்!

தமிழ் சினிமாவில் மென்மையானக் கதைக்களங்களைத் தொடர்ந்து படமாக்கி வருபவர் சீனு ராமசாமி. அவர் இயக்கிய தர்மதுரை திரைப்படம் மிகப்பெரிய வெற்றியைப் பெற்றாலும் மற்ற படங்கள் வணிக ரீதியாக பெரிய வெற்றியைப் பெறவில்லை. இந்நிலையில் ஜி வி பிரகாஷ் நடிப்பில் இயக்குனர் சீனு ராமசாமி   ‘இடிமுழக்கம்’ என்ற திரைப்படத்தை இயக்கி முடித்துள்ளார்.

இந்த படம்  முடிந்து இரண்டு ஆண்டுகளுக்கு மேலாகியும் இன்னும் ரிலீஸாகவில்லை. இதையடுத்து அவர் இயக்கிய கோழிப் பண்ணை செல்லதுரை திரைப்படம் ரிலீஸாகி விட்டது. இந்த படம் சரியாகப் போகாததால் சீனு ராமசாமி தன்னுடைய அடுத்த படத்தை இயக்குவதில் ஒரு இடைவெளி ஏற்பட்டுள்ளது.

இந்நிலையில் தற்போது அவரின் ‘இடி முழக்கம்’ திரைப்படம் சென்சார் செய்யப்பட்டுள்ளது. இந்த படத்துக்கு UA சான்றிதழ் வழங்கப்பட்டுள்ளது. படம் பற்றி பதிவிட்டுள்ள சீனு ராமசாமி இதுவரை தான் பயணிக்காத த்ரில்லர் மற்றும் ஆக்‌ஷன் கதைக்களத்தில் இறங்கியுள்ளதாகக் கூறியுள்ளார்.