ஜேசன் சஞ்சய் & சந்தீப் கிஷன் இணையும் படத்தின் ரிலீஸ் திட்டம் என்ன?... வெளியான தகவல்!

தமிழ் சினிமாவின் சூப்பர் ஸ்டார் நடிகர்களில் ஒருவர் விஜய். தற்போது விஜய்யின் மகன் ஜேசன் சஞ்சய் இயக்குனராக தமிழ் சினிமாவில் அறிமுகமாகிறார். இவர் கனடாவில் சினிமா சம்பந்தமாக படிப்பு படித்து வந்த  நிலையில், குறும்படம் ஒன்றை இயக்கியிருந்தார். இப்போது லைகா புரொடக்‌ஷன்ஸ் நிறுவனத்துக்காக சந்தீப் கிஷன் மற்றும் ஃபரியா அப்துல்லா ஆகியோர் நடிக்கும் படத்தை இயக்கி வருகிறார்.

கடந்த ஆண்டு இந்த படத்தின் பூஜை நடந்த நிலையில் ஆண்டு இறுதியில் படத்தின் அதிகாரப்பூர்வ அறிவிப்பு வெளியானது. தற்போது படத்தின் ஷூட்டிங் விறுவிறுப்பாக நடந்து வருகிறது. சென்னை மற்றும் அதன் சுற்றுவட்டாரப் பகுதிகளில் ஷூட்டிங் நடந்த நிலையில் அடுத்தகட்ட ஷூட்டிங் இலங்கையில் நடக்கவுள்ளதாக சொல்லப்படுகிறது.

இந்நிலையில் இந்த படத்தின் ரிலீஸ் பற்றிய தகவல் வெளியாகியுள்ளது. படத்தை சீக்கிரம் முடித்து இந்த ஆண்டு கிறிஸ்துமஸ் பண்டிகைக்கு படத்தை வெளியிட திட்டமிட்டுள்ளதாக சொல்லப்படுகிறது.