1980 ஆம் ஆண்டு ஹைத்ராபாத்தில் பிறந்த சமீரா ரெட்டி பாலிவுட் திரையுலகில் கடந்த 2002 ஆம் ஆண்டு வெளியான “மெய்னி தில் துஜ்கோ தியா” என்ற படத்தின் மூலம் சினிமாவில் அறிமுகமானார். அஜித் நடித்த சிட்டிசன் படத்தில் துணை கதாபாத்திரத்தில் நடித்து பிறகு கெளதம் மேனன் இயக்கத்தில் நடிகர் சூர்யா நடிப்பில் வெளியான “வாரணம் ஆயிரம் ” படத்தின் மூலம் தமிழ் ரசிகர்களிடையே பரீட்சியமானார்.
தமிழ், தெலுங்கு, இந்தி என பல மொழி படங்களில் நடித்துவந்த சமீரா முன்னணி நடிகையாக வலம் வர முடியாததால் படங்களில் நடிப்பதை நிறுத்திவிட்டு கடந்த 2014 ஆம் ஆண்டு அக்ஷய் என்ற தொழிளதிபரை திருமணம் செய்து கொண்டார். திருமணத்திற்கு பின்னர் குடும்பத்தை கவனித்து வந்தவர் சினிமாவில் இருந்து விலகினாலும் அவ்வப்போது பொது நிகழ்ச்சிகளில் மட்டும் தலை காண்பித்து வந்தார்.
பிறகு திருமணமான ஓராண்டிலே ஒரு அழகான ஆண் குழந்தைக்கு தாயானார். அதையடுத்து கடந்த மாதம் ஜூலை 12ம் தேதி ஒரு அழகான பெண் குழந்தை பிறந்தது. குழந்தைக்கு "நைரா" என பெயர் வைத்துள்ளதாக தனது சமூக வலைத்தளத்தில் குழந்தையின் புகைப்படத்துடன் கூறியிருந்தார். இந்நிலையில் தற்போது குழந்தை பிறந்த 3 மாதத்தில் தனது பச்சிளம் குழந்தையை கர்நாடகாவில் உள்ள முல்லயநாகிரி சிகரத்தில் கடல் மட்டத்தில் இருந்து 6300 அடி உயரத்தில் தூக்கிக்கொண்டு மலை ஏறுவது போல் வீடியோ ஒன்றை தனது இன்ஸ்டாகிராமில் வெளியிட்டுள்ளார். இந்த வீடியோ ரசிகர்களிடையே நல்ல வரவேற்பை பெற்றரு வருகிறது.
மலை ஏறும் போது இடை இடியே தனக்கு மூச்சு திணறல் ஏற்பட்டதாகவும்... மேலும் அடிக்கடி குழந்தைக்கு தாய்ப்பால் கொடுத்ததாகவும் கூறியுள்ளார். இதனை கண்ட அவரது ரசிகர்கள் பிரம்மிப்படைந்துள்ளனர்.
