நடிகை சமந்தா நடிப்பில் இன்று வெளியாகியுள்ள படம் யசோதா. இப்படத்தில் நடித்ததற்காக அவருக்குப் பாராட்டுகள் குவிந்து வருகிறது.
தமிழ் சினிமாவில் விண்ணத்தை தாண்டி வருவாயா படத்தின் அறிமுகம் ஆனவர் சமந்தா. இப்படத்திற்குப் பின், அஞ்சான்,தெறி, கத்தி உள்ளிட்ட பல படங்களில் நடித்து தமிழ், தெலுங்கு, இந்தி ஆகிய படங்களில் முன்னணி நடிகையாக வலம் வருகிறார்.
சமீபத்தில், இவர் விஜய் சேதுபதி, நயன் தாராவுடன் இணைந்து நடித்த காத்து வாக்குல ரெண்டு காதல் படம் மிகப்பெரிய வெற்றியைப் பெற்றது.
இந்த நிலையில், ஹரீஸ் நாயரணன் ஹரி ஷங்கர் இயக்கத்தில், சமந்தா நடிப்பில், இன்று வெளியான படம் யசோதா. இப்படத்திற்கு மணிசர்மா இசையமைத்துள்ளார்.
இந்த படம் வாடகைத் தாய் சம்மந்தப்பட்ட திரில்லர் கதையாக உருவாகியுள்ளதால், ரிலீஸான இன்று ரசிகர்களின் வரவேற்பை பெற்றுள்ளது.
சமீபத்தில் மயோசிட்டிஸ் என்ற அரிய வகை நோயினால் பாதிக்கப்பட்டிருப்பதாக சமந்தா கூறியிருந்த நிலையில் ரசிகர்கள் அவர் குணமடைய பிரார்த்தனை செய்தனர்.
இந்த நிலையில், சமந்தாவுக்கு யசோதா படத்தில் சிறப்பாக நடித்திருப்பதாக அவருக்கு வாழ்த்துகளும், பாராட்டுகளும் குவிந்து வருகிறது.
