இயக்குனரும் நடிகருமான எஸ் ஜே சூர்யா சிவகார்த்திகேயன் நடிக்கும் டான் படத்தில் வில்லனாக நடிக்க வுள்ளாராம்.
சிவகார்த்திகேயனின் எஸ்கே ப்ரொடக்ஷன்ஸும் லைகா நிறுவனமும் இணைந்து ஒரு படத்தை உருவாக்கும் படத்தை இயக்குனர் அட்லியிடம் உதவியாளராக பணியாற்றிய சிபி சக்ரவர்த்தி இயக்க உள்ளார், அனிருத் இசையமைக்கும் இந்த படத்துக்கு டான் எனப் பெயரிடப்பட்டுள்ளது.
இந்நிலையில் மார்ச் மாதம் தொடங்க உள்ள இந்த படத்தின் படப்பிடிப்பை அடுத்து இப்போது இந்த படத்துக்கான நடிகர் நடிகைகள் தேர்வு நடைபெற்று வருகிறது. அதையொட்டி கோயம்புத்தூரைச் சேர்ந்த நடிகர் நடிகைகளுக்கான வயது, முகத்தோற்றம் ஆகியவற்றைக் குறிப்பிட்டு அந்த மாதிரியானவர்கள் தங்கள் ஒரு நிமிடக் காட்சிகளை அனுப்ப வேண்டும் எனக் கூறியுள்ளனர்.
இந்நிலையில் படத்தில் வில்லனாக நடிக்க இயக்குனரும் நடிகருமான எஸ் ஜே சூர்யா ஒப்பந்தமாகியுள்ளாராம். இவர் ஏற்கனவே விஜய்யின் மெர்சல் மற்றும் சிம்புவின் மாநாடு ஆகிய படங்களில் வில்லனாக நடித்துள்ளார் என்பது குறிப்பிடத்தக்கது.
