ஆர் ஆர் ஆர் படத்தின் மேக்கிங் வீடியோவைப் படக்குழு வெளியிட்டுள்ளது.
தென்னிந்தியாவின் பிரம்மாண்ட இயக்குனராக உருவாகியுள்ள ராஜமௌலி பாகுபலி படத்துக்குப் பிறகு ராம் சரண் மற்றும் ஜூனியர் என் டி ஆர் , அஜய் தேவ்கான் மற்றும் ஆலியா பட் ஆகியோரை வைத்து ஆர் ஆர் ஆர் என்ற வரலாற்றுப் படத்தை இயக்கி வருகிறார். இந்த படத்தில் கதாநாயகியாக ஆலியா பட் மற்றும் ஹாலிவுட் நடிகை ஒருவர் நடித்து வருகின்றனர். இந்த படத்தின் ஒரு முக்கியமானக் கதாபாத்திரத்தில் நடிக்க நடிகர் அஜய் தேவ்கான் சம்மதித்துள்ளார். இந்நிலையில் படத்தின் பெரும்பகுதிகள் படமாக்கப்பட்டு விட்ட நிலையில் இன்னும் சில காட்சிகள் மட்டும் படமாக்கப்பட வேண்டியுள்ளது.
இந்நிலையில் படத்துக்கான ப்ரமோஷன் நிகழ்ச்சிகளை படக்குழு தொடங்கியுள்ளது. அதில் முதல் கட்டமாக இந்த பிரம்மாண்டமான படம் எப்படி உருவாகிறது என்பதன் மேக்கிங் வீடியோவின் ஒரு பகுதியை வெளியிட்டுள்ளது. இந்த வீடியோவுக்கு இணையத்தில் சிறப்பான வரவேற்புக் கிடைத்துள்ளது.
