சப் டைட்டிலில் ஒலிக்குறிப்புகளோடு வெளியாகிறது வேட்டையன் திரைப்படம்.. லைகா நிறுவனம் அறிவிப்பு!

ஜெயிலர் என்ற சூப்பர் ஹிட் படத்துக்குப் பிறகு ரஜினிகாந்த் த செ ஞானவேல் இயக்கிய வேட்டையன் படத்தில் நடித்து முடித்துள்ளார். படத்தில் துஷாரா விஜயன், ரித்திகா சிங், மஞ்சு வாரியர், ராணா டகுபதி, பஹத் பாசில் மற்றும் அமிதாப் பச்சன் ஆகியோர் நடிக்கின்றனர. அனிருத் இசையமைக்க, எஸ் ஆர் கதிர் ஒளிப்பதிவு செய்யும் இந்த படத்தை லைகா புரொடக்‌ஷன்ஸ் நிறுவனம் தயாரிக்கிறது.

சமீபத்தில் டீசர், பாடல்கள் மற்றும் டிரைலர் ஆகியவை வெளியாகிக் கவனம் ஈர்த்துள்ளன. படம் நாளை உலகம் முழுவதும் ரிலீஸாகிறது. படத்தின் மீது மிகப்பெரிய அளவில் எதிர்பார்ப்பு உள்ளது. படத்துக்கான ஆன்லைன் முன்பதிவு தொடங்கி பெரும்பாலானக் காட்சிகளுக்கு டிக்கெட்கள் விற்றுத் தீர்ந்துள்ளன..

இந்நிலையில் வேட்டையன் பற்றி ஒரு தகவலை லைகா நிறுவனம் வெளியிட்டுள்ளது. அதன்படி வேட்டையன் படத்தின் சப் டைட்டிலில் பின்னணி ஒலிகளுக்கான விவரணைகளும் இடம்பெறும் என்று தெரிவித்துள்ளது. இதன் மூலம் செவித்திறன் குறைபாடு உடைய பார்வையாளர்கள் படத்தை முழுமையாக உணர முடியும்.

View this post on Instagram

A post shared by Lyca Productions (@lycaproductions)