ரஜினி நடித்துள்ள ‘2.0’ படத்தின் ஷூட்டிங், சமீபத்தில் முடிந்துள்ளது.
ரஜினி நடிப்பில், ஷங்கர் இயக்கத்தில் உருவாகிவரும் படம் ‘2.0’. இந்த ஒரு படத்துக்காக, கடந்த இரண்டரை வருடங்களாக எல்லோரும் உழைத்து வருகின்றனர். ரஜினி ஜோடியாக எமி ஜாக்சன் நடிக்கும் இந்தப் படத்தில், பாலிவுட் நடிகர் அக்ஷய் குமார் வில்லனாக நடிக்கிறார். இந்தப் படம், அடுத்த ஆண்டு ஜனவரியில் ரிலீஸாக இருக்கிறது.
படத்தின் பெரும்பாலான காட்சிகள் ஏற்கெனவே முடிக்கப்பட்டு, போஸ்ட் புரொடக்ஷன் பணிகள் நடைபெற்று வருகின்றன. ஒரு பாடல் காட்சி மட்டும் படமாக்கப்படாமல் இருந்தது. கடந்த 10 நாட்களாக ஏ.ஆர்.ரஹ்மான் ஸ்டுடியோவில் அந்த பாடல் படமாக்கப்பட்டு வந்தது. சமீபத்தில் அது முடிவுக்கு வந்ததையடுத்து, படத்தின் ஒட்டுமொத்த ஷூட்டிங்கும் முடிந்துவிட்டது.
