இயக்குனர் லோகேஷ் தற்போது விஜய் 67 படத்துக்கான திரைக்கதையை எழுதி வருகிறார்.
விக்ரம் வெற்றிக்குப் பிறகு இயக்குனர் லோகேஷ் கனகராஜ்தான் விஜய்யின் அடுத்த படத்தை இயக்கப் போவதாக தகவல்கள் வெளியாகி வருகின்றன. இந்த படத்தில் கதாநாயகி என்று யாரும் இல்லை என்றும் அதுபோலவே படத்தில் பாடல்களும் இல்லாமல் முழுக்க முழுக்க ஆக்ஷன் காட்சிகளுக்கு முக்கியத்துவம் கொடுத்து உருவாக்கப்பட உள்ளதாகவும் சொல்லப்பட்டது. ஆனால் இப்போது ஒரு முக்கிய வேடத்தில் சமந்தா நடிக்க உள்ளதாக தகவல்கள் பரவி வருகின்றன.
இந்நிலையில் இந்த படத்தில் விஜய்க்கு வில்லனாக மலையாள சூப்பர்ஸ்டார் நடிகர் பிருத்விராஜ் நடிக்க உள்ளதாக சொல்லப்படுகிறது. மேலும் இவர் மட்டும் இல்லாமல் படத்தில் வேறு சில வில்லன்களும் உள்ளதாகவும், அவற்றிலும் முன்னணி நடிகர்கள் நடிக்க உள்ளதாகவும் சொல்லப்படுகிறது.
