கமல்ஹாசன்,பிரபாஸ் நடிப்பில் நாக் அஸ்வின் இயக்கும் கல்கி திரைப்படம் மிக பிரம்மாண்டமாக உருவாகி வருகிறது. இந்த படத்தில் கமல்ஹாசன் வில்லன் வேடத்தில் நடித்துள்ளதாக சொல்லப்படுகிறது. இதற்காக அவருக்கு 150 கோடி ரூபாய் சம்பளம் கொடுக்கப்பட்டுள்ளதாக தகவல்கள் வெளியாகியுள்ளன.
இந்த திரைப்படத்தின் முன்னோட்டம் அமெரிக்காவில் கடந்த ஆண்டு வெளியிடப்பட்டது. இந்த படத்தின் முதல் பாகத்துக்கான ஷூட்டிங் நடந்து முடிந்துள்ளது. கமல்ஹாசன் இந்த படத்தின் முதல் பாகத்திற்கான தன்னுடைய காட்சிகளை நடித்து முடித்துள்ளார் என சொல்லப்படுகிறது. ஜூன் 27 ஆம் தேதி ரிலீஸ் ஆகும் என அதிகாரப்பூர்வமாக அறிவிக்கப்பட்டுள்ளது.
இதற்கான ப்ரமோஷன்கள் மற்றும் வியாபாரங்கள் தற்போது நடைபெற்று வரும் நிலையில் உலகமெங்கும் 13 மொழிகளில் இந்த படம் ரிலீஸாகவுள்ளதாக சொல்லப்படுகிறது. ஜப்பான் மற்றும் கொரியா உள்ளிட்ட நாடுகளில் அந்தந்த மொழிகளில் டப் செய்யப்பட்டு அதிகளவிலான திரைகளில் ரிலீஸ் ஆகவுள்ளதாக சொல்லப்படுகிறது.
