நிவின் பாலி நடித்துள்ள கனகம் காமினி கலகம் என்ற படம் ஓடிடியில் வெளியாக உள்ளது.
நடிகர் நிவின் பாலி நேரம் மற்றும் பிரேமம் படம் மூலமாக தமிழ் ரசிகர்களுக்கு நன்கு அறிமுகமானவர். அவர் நடிப்பில் 2017 ஆம் ஆண்டு ரிச்சி என்ற திரைப்படம் தமிழில் வெளியானது. அந்த படம் வணிக ரீதியாக தோல்வி அடைந்தது. அதன் பின்னர் அவர் மலையாளத்தில் மட்டுமே கவனம் செலுத்தி வந்தார். இந்நிலையில் இப்போது 3 ஆண்டு இடைவெளிக்குப் பின்னர் அவர் தமிழில் ஒரு படத்தில் நடிக்க உள்ளார்.
இந்நிலையில் அவர் நடித்து முடித்து வெளியாகாமல் இருந்த கனகம் காமினி கலகம் என்ற திரைப்படம் ஓடிடியில் வெளியாகும் என அறிவிக்கப்பட்டுள்ளது. டிஸ்னி ப்ளஸ் ஹாட்ஸ்டார் தளத்தில் வெளியாகும் இந்த படத்தின் மீது எதிர்பார்ப்பு அதிகரித்துள்ளது. கொரோனா ஊரடங்கால் அதிகமாக பாதிக்கப்பட்ட மலையாள சினிமாவில் அதிக படங்கள் ஓடிடியில் வெளியாகி வருகின்றன.
