நடிகை நயன்தாரா தமிழ் திரைப்பட துறையில் 20 வருடங்களை கடந்துள்ளார். அதன்போது, "நானும் ரௌடிதான்" திரைப்படம் தான் தனது சினிமா வாழ்க்கையிலும், தனிப்பட்ட வாழ்க்கையிலும் பெரும் மாற்றத்தை ஏற்படுத்தியதாக அவர் தெரிவித்துள்ளார். அவருடைய இதயத்தை நெகிழவைத்த இந்த பதிவானது தற்போது சமூக ஊடகங்களில் வேகமாக பரவி வருகிறது.
நயன்தாரா மற்றும் விஜய் சேதுபதி இணைந்து நடித்த "நானும் ரௌடிதான்" திரைப்படம் வெளியாகி 9 ஆண்டுகள் ஆகின்றது. இதை நினைவுகூர்ந்த நயன்தாரா, தனது இன்ஸ்டாகிராமில் கூறியதாவது:
"எனது வாழ்க்கையை மாற்றும் வரப்பிரசாதமாக வந்த படம் தான் 'நானும் ரௌடிதான்'. 9 வருடங்களுக்கு முன், இப்படம் வெளிவந்தபோது மக்களிடம் புதிய அன்பை அனுபவித்தேன். இந்த அனுபவம் என்னில் என்றும் நிலைத்திருக்கும். இந்த படத்தின் மூலம் ஒரு நடிகையாக நான் பல புதிய பாடங்களையும் அனுபவங்களையும் கற்றுக்கொண்டேன், மேலும் பல புதிய நினைவுகளை உருவாக்கினேன்.
அதேசமயம், இந்த படத்தின் மூலம் எனக்கு ஒரு புதிய உறவையும் பெற்றேன். இப்படத்தை எனக்கு வழங்கிய விக்னேஷ் சிவனுக்கு மனமார்ந்த நன்றி. இந்த படமானது எப்போதும் எனது மனதில் நிலைத்து இருக்கும். நினைவுகளைப் பகிர்வதற்காக சில புகைப்படங்களையும் ஒரு சிறிய வீடியோவையும் வெளியிடுகிறேன்,” என்று கூறியுள்ளார். இந்த வீடியோ தற்போது இணையத்தை கலக்கி வருகிறது.
