கோலிவுட் திரையுலகின் முன்னணி நடிகர்களின் படங்களுக்கு இணையாக நயன்தாரா நடித்த படங்களுக்கு நல்ல எதிர்பார்ப்பு இருப்பதால்தான் அவரது மார்க்கெட் ராக்கெட் வேகத்தில் உயர்ந்து கொண்டே இருக்கின்றது.
இந்த நிலையில் இந்த வருட தீபாவளி தினத்திலும், வரும் வருடம் பொங்கல் தினத்திலும் நயன்தாரா நடித்த படங்களை வெளியிட திட்டமிடப்பட்டுள்ளது.
மெர்சல், உள்பட சுமார் ஐந்து படங்கள் வெளியாகவுள்ள இந்த வருட தீபாவளி தினத்தில் நயன்தாரா நடித்த 'அறம்' படமும் வெளியாகவுள்ளது. அதேபோல் சூர்யாவின் 'தானா சேர்ந்த கூட்டம்', விக்ரமின் 'ஸ்கெட்ச்' ஆகிய படங்கள் வெளியாகவுள்ள பொங்கல் தினத்தில் நயன்தாராவின் 'இமைக்கா நொடிகள்' வெளியாகவுள்ளதாக செய்திகள் வெளிவந்துள்ளது.
தொடர்ந்து பெரிய நடிகர்களின் படங்களுடன் மோதும் நயன்தாராவுக்கு தொடர் வெற்றி கிடைக்கும் என்றே கோலிவுட் திரையுலகினர் எதிர்பார்க்கின்றனர்.
