மகாராஷ்டிரா மாநிலத்தில் கடந்த சில நாட்களாகவே கனமழை பெய்து வரும் நிலையில் இன்று மாநிலம் முழுவதும் மழை கொட்டி தீர்த்தது. எனவே ஆங்காங்கே வெள்ளப்பெருக்கு ஓடுவதாக தகவல் வந்துள்ள நிலையில் நாளைய தினம் பள்ளி மற்றும் கல்லூரிகளுக்கு விடுமுறை என மகாராஷ்டிர கல்வி அமைச்சர் அறிவித்துள்ளார். இந்த அறிவிப்பு மாணவர்களுக்கு மகிழ்ச்சியை கொடுத்துள்ள அதே நேரத்தில் பின்னாலேயே ஒரு அதிர்ச்சி அறிவிப்பும் வெளிவந்துள்ளது.
இந்த விடுமுறையை ஈடுகட்ட வரும் தீபாவளி அன்று இருக்கும் விடுமுறை ரத்து என்பதுதான் அந்த அதிர்ச்சியான அறிவிப்பு. இதனால் பள்ளி, கல்லூரி மாணவர்கள் அதிர்ச்சி அடைந்துள்ளனர்.
மழை பெய்தாலும் பரவாயில்லை, நாளை பள்ளிக்கு வருகிறோம், தீபாவளி விடுமுறையை ரத்து செய்ய வேண்டாம் என்று மாணவர்கள் டுவிட்டரில் வேண்டுகோள் விடுத்து வருகின்றனர். இந்த அறிவிப்பு நியாயமான அறிவிப்பு இல்லை என்று அனைத்து தரப்பினர்களாலும் விமர்சனம் செய்யப்பட்டு வருகிறது.
