டிரெய்ன் படத்தின் நான்கு பாடல்களையும் தானே பாடிய மிஷ்கின்!

பிசாசு 2 படத்தில் இணைந்து பணியாற்றிய மிஷ்கின் மற்றும் விஜய் சேதுபதி இப்போது ஒரு முழுநீளப் படத்தில் இணைந்து பணியாற்ற உள்ளனர். இந்த படத்தை கலைப்புலி எஸ் தாணு தயாரிக்கிறார். இந்த படத்தின் ஷூட்டிங் நடந்து முடிந்து போஸ்ட் புரொடக்‌ஷன் பணிகள் நடந்து வருகின்றன.

இந்த படத்துக்காக சென்னையில் உள்ள ஒரு ஸ்டுடியோவில் ட்ரெயின் செட் ஒன்று அமைக்கப்பட்டு அதில் முக்கியமானக் காட்சிகளை படமாக்கினார் இயக்குனர் மிஷ்கின். இந்த படத்துக்கு இயக்குனர் மிஷ்கினே இசையமைக்கிறார். பௌசியா ஒளிப்பதிவாளராக பணியாற்றுகிறார். படத்தில் நாசர் வில்லனாக நடிக்கிறார். மேட்டுப் பாளையத்தில் இருந்து சென்னை வரும் டிரெயினில் நடக்கும் சம்பவங்களே திரைக்கதையாக அமைக்கப்பட்டுள்ளதாக சொல்லப்படுகிறது.

இந்த படத்தில் இசையமைப்பாளராகவும் பணியாற்றும் மிஷ்கின் படத்துக்காக நான்கு பாடல்களை உருவாக்கியுள்ளாராம். அந்த நான்கு பாடல்களையும் அவரே பாடியுள்ளதாக சொல்லப்படுகிறது.  அதில் ஒரு பாடலில் பெண் குரலுக்காக ஸ்ருதிஹாசனை பாடவைத்துள்ளாராம்.