அப்பாடா ஒருவழியா முடிந்தது... "மாஸ்டர்" சாட்டிலைட் உரிமத்தை கைப்பற்றிய சன் டிவி...!

தளபதி விஜய் நடிப்பில் லோகேஷ் கனகராஜ் இயக்கிய 'மாஸ்டர்' திரைப்படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் முடிவடைந்து விட்டது. விஜய்க்கு வில்லனாக விஜய் சேதுபதி நடித்துள்ள இப்படத்தில் ஆண்ட்ரியா, மாளவிகா மோகனன், ஷாந்தனு உள்ளிட்டோர் முக்கிய கதாபாத்திரங்களில் நடித்துள்ளனர்.

ராக்ஸ்டார் அனிருத் இசையமைத்திருக்கும் இப்பாடல்கள் அமரோக வரவேற்பை பெற்றுள்ளது. ஆடியோ லான்சிற்கு பிறகு படத்தின் ட்ரைலர் மற்றும் டீஸருக்காக வெறித்தனமாக காத்திருக்கும் ரசிகர்களை கொரோனா வைரஸ் வந்து ஆப் பண்ணிவிட்டது. இதையடுத்து படத்தின் ரிலீஸ் தேதியும் தள்ளி சென்று விஜய் பிறந்த நாளான ஜூன் 22ம் தேதி மாஸ்டர் வெளியாகும் என நம்பகுந்த வட்டாரத்தில் செய்திகள் வெளிவந்தது.

கொரோன லாக்டவுனிலும் படத்தின் வேலை உள்ளிருந்தபடியே மும்முரமாக நடைபெற்று வருகிறது. இந்நிலையில் தற்போது மாஸ்டர் படத்தின் சாட்டிலைட் உரிமையை ரூ. 20 கோடி கொடுத்து சன் டி.வி வாங்கிவிட்டதாக தமிழ் திரைப்பட தயாரிப்பாளர் சங்கத்தின் முன்னாள் தலைவர் கேயார் கூறியுள்ளார். மேலும் `மாஸ்டர்’ படத்தின் ஓவர்சீஸ் உரிமையை 30 கோடிக்கு விற்று விட்டனர் என தகவல் வெளிவந்துள்ளது. இதே போல் கடைசியாக விஜய் நடித்து வெளிவந்த பிகில் படமும் 30 கோடிக்கு விற்கப்பட்டது குறிப்பிடத்தக்கது.