தமிழ் சினிமாவில் சாதனை படைத்த குழந்தை நட்சத்திரமாக இருந்தவர் மாஸ்டர் மகேந்திரன். குழந்தை நட்சத்திரமாகவே ரஜினி, கமல், விஜய்காந்த், அஜித் மற்றும் விஜய் என அனைத்து முன்னணி நடிகர்களோடும் நடித்து 100 படங்களை தாண்டி நடித்தார். ஆனால் வளர்ந்து அவர் கதாநாயகனாக நடிக்க முடிவு செய்த போது அவருக்கு மிகப்பெரிய அளவில் வாய்ப்புகள் வரவில்லை.
இந்நிலையில் இப்போது மாஸ்டர் படத்தில் சிறு வயது விஜய் சேதுபதி கதாபாத்திரத்தில் அவர் நடித்தது ரசிகர்களைக் கவர்ந்தது. அதனால் இப்போது அவருக்கான வாய்ப்புகள் அதிகளவில் வர ஆரம்பித்துள்ளதாக சொல்லப்படுகிறது. சில படங்களில் ஹீரோவாக நடித்து வரும் அவர் இப்போது ஆர்யா நடிக்கும் ‘காதர் பாட்ஷா என்ற முத்து ராமலிங்கம்’ படத்தில் நடிக்க ஒப்பந்தம் ஆகியுள்ளார்.
முக்கியமான வேடத்தில் ப்ளாஷ்பேக் காட்சியில் அவர் கதாபாத்திரம் இடம்பெற உள்ளதாக தகவல் வெளியாகியுள்ளது.
