மகேஷ் பாபு நடிப்பில் கடைசியாக வெளியான திரைப்படம் சர்காரு வாரிபட்டா. இந்த படம் சரியாக போகாத நிலையில் இப்போது குண்டூர் காரம் என்ற படத்தில் மகேஷ் பாபு நடித்து வருகிறார். இந்த படத்தை அலா வைகுந்தபுரம்லூ படத்தை இயக்கிய திரிவிக்ரம் இயக்கி வருகிறார்.
இந்த படம் அறிவிக்கப்பட்டு சில மாதங்கள் ஆகியும் இன்னும் ஷூட்டிங் தொடங்காமல் தள்ளிப்போய்க் கொண்டே இருக்கிறது. இந்நிலையில் இந்த படத்தில் கதாநாயகியாக ஒப்பந்தம் ஆகியிருந்த நடிகை பூஜா ஹெக்டே, படத்தில் இருந்து விலகியுள்ளதாக சொல்லப்படுகிறது. கதையில் ஏற்பட்ட மாற்றத்தாலும் அவர் விலகியதாக சொல்லப்படுகிறது.
இப்போது அவருக்கு பதிலாக வாத்தி பட நடிகை சம்யுக்தா நடிக்க ஒப்பந்தமாகியுள்ளதாக தெரிகிறது. மேலும் மற்றொரு நடிகையாக ஸ்ரீலீலா நடிக்கிறார் என்பதும் குறிப்பிடத்தக்கது. முன்னதாக படத்தில் இருந்து இசையமைப்பாளர் தமன் விலகினார் என்று தகவல்கள் வெளியாகி பரபரப்பை ஏற்படுத்தியது.
