கூலி படத்துக்கு என் சம்பளம் ‘லியோ’வை விட இரண்டு மடங்கு… ஓப்பனாக சொன்ன லோகேஷ்!

தமிழ் சினிமாவில் இன்று மோஸ்ட் வாண்டட் இயக்குனராக அனைத்து ஹீரோக்களாலும், தயாரிப்பு நிறுவனங்களாலும் விரும்பப்படுகிறார் லோகேஷ் கனகராஜ். அதற்குக் காரணம் குறுகிய காலத்தில் முன்னணி நடிகர்களை வைத்து சூப்பர் ஹிட் படங்களை அடுத்தடுத்துக் கொடுத்து வருகிறார்.

தனது இயக்குநர் பயணத்தை "மாநகரம்" திரைப்படம் மூலம் தொடங்கினார். அதன் பின்வரும்  "கைதி", "மாஸ்டர்", "விக்ரம்", "லியோ" போன்ற வெற்றிப்படங்களை இயக்கி ரசிகர்களை பெரிதும் கவர்ந்தவர். தற்போது ரஜினிகாந்த் நடிக்கும் ‘கூலி’ படத்தை இயக்கி வருகிறார். இதை முடித்து விட்டு கைதி 2 படத்தை இயக்கவுள்ளதாக சொல்லப்படுகிறது.

இதற்கிடையில் லோகேஷ் கனகராஜ் கதாநாயகனாக ஒரு படத்தில் நடிக்கவுள்ளதாகவும், அந்த படத்தை சன் பிக்சர்ஸ் நிறுவனம் தயாரிக்க, இயக்குனர் அருண் மாதேஸ்வரன் இயக்கவுள்ளதாக தகவல் வெளியாகியுள்ளது. மேலும் இந்த படத்துக்காக லோகேஷ் கனகராஜ் மார்ஷல் ஆர்ட்ஸ் தற்காப்புக் கலைகளைக் கற்றுக் கொண்டு வருவதாக சொல்லப்படுகிறது.

இந்நிலையில் லோகேஷ் சமீபத்தில் அளித்த நேர்காணலில் கூலி படத்துக்காக தான் 50 கோடி ரூபாய் சம்பளமாக பெற்றுள்ளதாக தெரிவித்துள்ளார். இது லியோ படத்துக்காகத் தான் வாங்கிய சம்பளத்தை விட இரண்டு மடங்கு அதிகம் என்றும் ஓப்பனாகத் தெரிவித்துள்ளார்.