தமிழ் சினிமாவின் முக்கியமான தயாரிப்பாளர்களில் ஒருவரான சி வி குமார் தனது அடுத்த படத்தை அறிவித்துள்ளார்.
தமிழ் சினிமாவில் ஒரு பாய்ச்சலை ஏற்படுத்திய அட்டகத்தி, பீட்சா, சூதுகவ்வும் உள்ளிட்ட படங்களை தயாரித்து வெற்றிகரமான தயாரிப்பாளராக வலம் வந்தவர் திருக்குமரன் எண்டெர்டெயின்மெண்ட் சி வி குமார். கடந்த சில ஆண்டுகளாக அவர் இப்போது இயக்கத்திலும் ஆர்வம் காட்டி வருகிறார். கடந்த சில ஆண்டுகளுக்கு முன்னர் மாயவன் உள்ளிட்ட படங்களை இயக்கினார். ஆனால் அவை பெரிய அளவில் வெற்றி பெறவில்லை. இந்நிலையில் இப்போது அவர் ஒரு வரலாற்று திரைப்படத்தை இயக்க உள்ளார்.
அந்த படத்துக்கு கொற்றவை என தலைப்பு வைக்கப்பட்டு தீபாவளியை ஒட்டி போஸ்டரும் வெளியானது. இந்த படத்துக்கு எழுத்தாளர் தமிழ்மகன் கதை மற்றும் வசனம் எழுதுகிறார். விரைவில் நடிகர் நடிகைகளின் விவரம் வெளியாகும் என சொல்லப்படுகிறது.
