தயாரிப்பாளர் தாணு தமிழ் சினிமாவின் மூத்த தயாரிப்பாளர்களில் ஒருவர். ரஜினி, கமல், விஜயகாந்த், அஜித், சூர்யா, விஜய் என பல முன்னணி நடிகர்களோடு இணைந்து பல வெற்றிப் படங்களைத் தயாரித்துள்ளார்.
இந்நிலையில் இப்போது அவர் கன்னட நடிகர் கிச்சா சுதீப் நடிப்பில் ஒரு பேன் இந்தியா திரைப்படத்தை தயாரிக்கிறார். கிச்சா சுதீப்பின் 46 ஆவது படமாக உருவாகும் இன்னும் பெயரிடப்படாத இந்த படத்தின் ப்ரமோஷன் வீடியோ தற்போது வெளியாகி கவனத்தில் ஈர்த்துள்ளது.
இந்த படத்தை இயக்கும் விஜய் கார்த்திகேயா பற்றிய தகவல் ஒன்று வெளியாகியுள்ளது. இவர் விஜய் தேசிங் என்ற பெயரில் பாபி சிம்ஹா நடித்த வல்லவனுக்கு வல்லவன் என்ற திரைப்படத்தை இயக்கியவர் என்பது குறிப்பிடத்தக்கது. இப்போது தன்னுடைய பெயரை விஜய் கார்த்திகேயா என மாற்றிக் கொண்டு இந்த படத்தை இயக்குகிறார்.
