ராஜமௌலி இயக்கத்தில் ராம்சரண், ஜூனியர் என்.டி.ஆர், ஆல்யா பட், அஜய் தேவ்கன் உள்ளிட்டோர் நடித்து வெளியான படம் ஆர்.ஆர்.ஆர். உலகம் முழுவதும் பெரும் ஹிட் அடித்த இந்த படம் மொத்தமாக 1000 கோடிக்கும் மேல் வசூல் செய்து பெரும் வசூல் சாதனையையும் படைத்தது. நேரடியாக போட்டி பிரிவில் ஆஸ்கருக்கு இந்த படத்தை பல பிரிவுகளில் நாமினேட் செய்தனர் படக்குழு. இதையடுத்து நாட்டு நாட்டு பாடலுக்கு சிறந்த ஒரிஜினல் பாடலுக்கான ஆஸ்கர் விருது வழங்கப்பட்டது.
இந்த விருதுக்காக சுமார் 80 கோடி ரூபாய் அளவுக்கு செலவு செய்யப்பட்டதாக தகவல்கள் பரவின. ஆனால் இப்போது ராஜமௌலியின் மகன் கார்த்திகேயா ஆஸ்கர் விருது ப்ரமோஷன்களுக்காக ரூ 8.5 கோடி ரூபாய் அளவுக்கு செலவு செய்ததாக பகிர்ந்துள்ளார்.
கார்த்திகேயா தான் இந்த படத்தின் ஆஸ்கர் ப்ரமோஷன் பணிகளை மேற்கொண்டவர் என்பது குறிப்பிடத்தக்கது.
