இயக்குநர் கார்த்திக் சுப்புராஜ் இயக்கத்தில் உருவாகி வரும் ‘ரெட்ரோ’ திரைப்படத்தில் சூர்யா, பூஜா ஹெக்டே, ஜெயராம், ஜோஜு ஜார்ஜ், கருணாகரன், நாசர், சுஜித் சங்கர், தமிழ், பிரேம்குமார், ரம்யா சுரேஷ் உள்ளிட்ட பலர் நடித்திருக்கிறார்கள். ஸ்ரேயாஸ் கிருஷ்ணா ஒளிப்பதிவு செய்திருக்கும் இந்த திரைப்படத்திற்கு சந்தோஷ் நாராயணன் இசையமைக்கிறார்.
இந்த திரைப்படத்தை 2 டி என்டர்டெய்ன்மென்ட் நிறுவனம் சார்பில் தயாரிப்பாளர்கள் ஜோதிகா - சூர்யா ஆகியோருடன் கார்த்திக் சுப்பராஜின் ஸ்டோன் பெஞ்ச் புரொடக்ஷன்ஸ் நிறுவனமும் இணைந்து தயாரிக்கிறது. படத்தின் ஷூட்டிங் முடிந்து தற்போது போஸ்ட் புரொடக்ஷன் பணிகள் நடந்து வருகின்றன. படம் மே 1 ஆம் தேதி ரிலீஸாகவுள்ளது,
இந்நிலையில் இந்த படத்துக்கு ஏன் ரெட்ரோ என்று பெயர் வைக்கப்பட்டுள்ளது என்பது குறித்து கார்த்திக் சுப்பராஜ் விளக்கமளித்துள்ளார். அதில் “ரெட்ரோ என்றால் ஒரு குறிப்பிட்ட காலகட்டத்தைக் குறிக்கும். ஆனால் வேறொரு அர்த்தத்தில் கடந்த காலத்தை திரும்பிப் பார்த்தல் என்ற அர்த்தமும் வரும்” எனக் கூறியுள்ளார்.
