கார்த்தி நடிப்பில் முத்தையா இயக்கியுள்ள விருமன் திரைப்படத்தின் ரிலீஸ் தேதி அறிவிக்கப்பட்டுள்ளது.
கார்த்தி நடித்த விருமன் திரைப்படத்தின் படப்பிடிப்பு முடிவடைந்து தற்போது தொழில்நுட்ப பணிகள் விறுவிறுப்பாக நடைபெற்று வருகிறது. இந்த படத்தின் சிங்கிள் பாடல் சமீபத்தில் வெளியானது. வெளியானது முதல் பரவலான கவனிப்பை ரசிகர்கள் மத்தியில் பெற்றுள்ளது. இந்த படத்தின் மூலமாக இயக்குனர் ஷங்கரின் மகள் அதிதி கதாநாயகியாக அறிமுகமாகிறார். குட்டிப்புலி, கொம்பன் உள்ளிட்ட படங்களை இயக்கிய முத்தையா இயக்கியுள்ளார்.
இந்நிலையில் இந்த படம் வரும் ஆகஸ்ட் 31 ஆம் தேதி விநாயகர் சதுர்த்தி பண்டிகை விடுமுறையை முன்னிட்டு வெளியாகும் என 2டி நிறுவனம் தற்போது அதிகாரப்பூர்வ அறிவிப்பை வெளியிட்டுள்ளது.
