கார்த்தி நடிக்கும் வா வாத்தியார் எப்போதுதான் ரிலீஸ்?… ஆமை வேகத்தில் செல்லும் இயக்குனர் நலன் குமாரசாமி!

மெய்யழகன் படத்துக்குப் பிறகு நடிகர் கார்த்தி நலன் குமாரசாமி இயக்கத்தில் ’வா வாத்தியார்’ என்ற படத்தில் நடித்து முடித்துள்ளார். இந்த படத்தில் சத்யராஜ், ராஜ்கிரண் மற்றும் க்ரீத்தி ஷெட்டி ஆகியோர் முக்கிய வேடத்தில் நடிக்கின்றனர்.  சந்தோஷ் நாராயணன் இசையமைக்கிறார். படத்தின் ஷூட்டிங் நீண்டகாலமாக நடந்த நிலையில் தற்போது நிறைவடைந்துள்ளது.

நீண்டகாலமாக இந்த படம் பற்றி எந்த அப்டேட்டும் இல்லாமல் இருந்த நிலையில் கடந்த ஆண்டு இறுதியில் படத்தின் டீசர் வெளியாகி கவனம் பெற்றது. போலீஸ் கெட்டப்பில் கார்த்தி காரில் இருந்து இறங்க, அவரை மேள தாளத்தோடு வரவேற்கிறது ஒரு கூட்டம். அவர்களோடு சேர்ந்து கார்த்தி அலட்டல் இல்லாத ஆட்டம் போட செம்ம vibe ஆன இசையைக் கொடுத்துள்ளார் சந்தோஷ் நாரயணன்.

இதையடுத்து படம் ஜனவரி அல்லது பிப்ரவரியில் ரிலீஸாகும் என சொல்லப்பட்டது. ஆனால் இப்போது வரை ரிலீஸ் பற்றி எந்த அப்டேட்டுமில்லை. இந்நிலையில் படத்துக்கு இன்னும் சில நாட்கள் ஷூட் செய்யவேண்டும் என இயக்குனர் நலன் இப்போது கூறியுள்ளதாகவும், இது சம்மந்தமாக தயாரிப்பு நிறுவனமும் கார்த்தியும் அதிருப்தியில் இருப்பதாகவும் சொல்லப்படுகிறது.