வினோத் படத்துக்கு முன்பாக கமல்ஹாசன் நடிக்கும் படம்… லேட்டஸ்ட் தகவல்!

நடிகர் கமல்ஹாசனின் மார்க்கெட்டை கடந்த ஆண்டு ரிலீஸான விக்ரம் திரைப்படம் தூக்கி நிறுத்தியுள்ளது. இந்த படத்தின் வெற்றியால் அடுத்தடுத்து அவர் படங்கள் சூடுபிடிக்க தொடங்கியுள்ளன.

இப்போது இந்தியன் 2 படத்தில் நடித்து வரும் கமல்ஹாசன், அடுத்து வினோத் மற்றும் மணிரத்னம் ஆகியோர் இயக்கத்தில் நடிக்க உள்ளார். இதில் முதலில் வினோத் இயக்கும் படம் தொடங்கப்படும் என சொல்லப்படுகிறது.

இந்த படத்துக்கான திரைக்கதை அமைக்கும் பணிகள் நடைபெற்று வந்த நிலையில் இப்போது முழு திரைக்கதையும் கமல்ஹாசனிடம் ஒப்படைக்கப்பட்டுள்ளதாக தெரிகிறது. அதைப் படித்த கமல்ஹாசன் திரைக்கதையில் சில மாற்றங்களை சொல்லியுள்ளதாகவும், அதற்கான பணிகளில் இப்போது வினோத் ஈடுபட்டுள்ளதாகவும் சொல்லப்படுகிறது. 

இந்நிலையில் வினோத் படத்துக்கு முன்பாக, கமல்ஹாசன் பிரபாஸ் நடிப்பில் நாக் அஸ்வின் இயக்கும் பிராஜக்ட் கே படத்தில் வில்லன் வேடத்தில் நடிக்க சம்மதம் தெரிவித்துள்ளதாக சொல்லப்படுகிறது. இந்த படத்தில் நடிக்க 20 நாட்களுக்கு கமல்ஹாசனுக்கு 150 கோடி ரூபாய் சம்பளம் கொடுக்கப்பட்டுள்ளதாக தகவல்கள் பரவி வருகின்றன.