உலக நாயகன் கமல்ஹாசனும் மறைந்த இயக்குனர் ஐவி சசியும் பல ஆண்டுகால நண்பர்கள் என்பது இருவருக்கும் நெருக்கமானவர்களுக்கு மட்டுமே தெரிந்த உண்மை. இருவரும் இணைந்து குரு, அலாவுதீன் அற்புத விளக்கு, ஈட்டா, விருதம், ஆனந்தம் பிரம்மானந்தம் போன்ற படங்களில் பணிபுரிந்துள்ளனர்.
இந்த நிலையில் ஐவி சசியின் மறைவு குறித்து கேள்விப்பட்டவுடன் கமல்ஹாசன் தனது டுவிட்டரில் அவருக்கு இரங்கல் தெரிவித்துள்ளார். , 'நெடுங்கால நண்பரும் இணையிலா சினிமா தொழில் விற்பன்னருமான ஐ.வி.சசி காலமானார். என் சகோதரி சீமா சசிக்கும், குடும்பத்தாருக்கும் அன்பும் அனுதாபமும்' என்று கமல்ஹாசன் உருக்கத்துடன் தனது இரங்கலை தெரிவித்துள்ளார்.
கமல்ஹாசனும் நடிகை சீமாவும் ஒருசில மலையாள படங்களில் ஜோடியாக நடித்துள்ளனர் என்பது குறிப்பிடத்தக்கது.
