‘லோகேஷ் அந்த படத்தை முடிச்சதும் கைதி 2 தான்…’ நடிகர் கார்த்தி கொடுத்த அப்டேட்!

கைதி 2 படம் பற்றி அவ்வப்போது தகவல்கள் வெளியாகிக் கொண்டு இருக்கின்றன.

மாநகரம், கைதி ஆகிய இரண்டு திரைப்படங்களை இயக்கிய இயக்குனர் லோகேஷ் கனகராஜ் அடுத்ததாக விஜய் மற்றும் கமல் ஆகியோர் நடிப்பில் மாஸ்டர் மற்றும் விக்ரம் ஆகிய படங்களை இயக்கினார். இதனால் கைதி 2 படம் இப்போதைக்கு உருவாகுமா என்ற சந்தேகம் எழுந்தது. இந்நிலையில் தயாரிப்பாளர் எஸ் ஆர் பிரபுவிடம் ரசிகர்கள் இந்த கேள்வியை முன்வைத்த போது ‘கைதி 2 கண்டிப்பாக உருவாகும். அதற்கான வேலைகள் நடந்துகொண்டிருக்கின்றன’ எனக் கூறி இருந்தார்.

இந்நிலையில் இப்போது கைதி படத்தின் நாயகன் கார்த்தி கைதி 2 பற்றி கருத்து தெரிவித்துள்ளார். சமீபத்தில் நடந்த விருமன் பத்திரிக்கையாளர் சந்திப்பில் “லோகேஷ் விஜய் சார் படத்தை முடித்ததும் உடனடியாக கைதி 2 படத்தின் வேலைகள் தொடங்கும்” எனக் கூறியுள்ளார்.