ராதா மோகனின் இயக்கத்தில் ஜோதிகா ஆர்.ஜெ - வாக நடித்து முடித்திருக்கும் திரைப்படம் 'காற்றின் மொழி'. இந்தத் திரைப்படம் நவம்பர் 16-ம் தேதி, அதாவது வரும் வெள்ளிக்கிழமை ரிலீஸாகிறது.
இசையமைப்பாளர் ஏ.ஹெச்.காசிஃப் இசையமைத்திருக்கும் இந்தப் படத்திற்கு, மகேஷ் முத்துசாமி ஒளிப்பதிவு செய்துள்ளார்.பிரவீன் கே.எல். படத்தொகுப்பாளராக பணியாற்றியிருக்கிறார். ஜி.தனஞ்செயனுடன் இணைந்து, கிரியேட்டிவ் எண்டெர்டெயின்மென்ட் நிறுவனம் இதனைத் தயாரித்திருக்கிறது.
இதில் ஜோதிகாவுடன் இணைந்து, நடிகர் விதார்த், லட்சுமி மஞ்சு, குமரவேல், எம்.எஸ்.பாஸ்கர் உள்ளிட்டோரும் முக்கிய கதாபாத்திரத்தில் நடித்திருக்கிறார்கள்.
இந்நிலையில் படத்தின் புரொமாஷனுக்காக, காற்றின் மொழி திரைப்படத்தில் இடம் பெற்றிருக்கும், ஜோதிகா வின் 'ஜிமிக்கி கம்மல்' பாடலை வெளியிட்டு இருக்கிறார்கள் படக்குழுவினர்.
ஜோதிகாவும் மற்றும் லட்சுமி மஞ்சுவும் நடனமாடும் இந்தப் பாடல், தற்போது இணையத்தில் வைரலாகி வருகிறது.
